QR Densaýlyq saqtaý mınıstrliginiń Almaty qalasynyń Ortalyq qalalyq klınıkalyq aýrýhanasy naýqastarynyń AITV (VICH) juqtyrý deregine qatysty málimdeme jasady.

“QR Densaýlyq saqtaý mınıstrliginiń JITS ortalyǵynyń mamandary Almaty qalasynyń Ortalyq qalalyq klınıkalyq aýrýhanasynda (OQKB) em qabyldaǵan adamdardyń arasynda AITV-oń mártebesi bar úsh jaǵdaıdy anyqtady. Osy fakti boıynsha QR DSM Sanıtarıalyq-epıdemıologıalyq baqylaý jáne Medısınalyq jáne farmasevtıkalyq baqylaý komıtetteri tekserýdi bastady. Komısıanyń quramyna QR DSM Qazaq dermatologıa jáne ınfeksıalyq aýrýlar ǵylymı ortalyǵynyń mamandary tartyldy”, – delingen habarlamada.

Eske salaıyq, budan buryn Almaty qalalyq densaýlyq saqtaý basqarmasy qalanyń ortalyq klınıkalyq aýrýhanasynda emdelýshilerdiń AITV juqtyrǵanyn rastaǵan bolatyn.