Phenán, Soltústik Koreıa. Álemniń birshama elderi, ásirese amerıkandyqtar úshin Soltústik Koreıa jer betindegi eń jabyq, repressıvti jáne búgingi qoǵamnan oqshaýlanǵan memleket bolyp sanalady.
Esesine, totalıtarly sanalatyn eldiń turǵyndary ózderiniń tańdaýly halyq ekenine, álem qyzyǵatyn jumaq-mekende turatynyna, sonymen qatar, kóshbasshylary olardy memleketten tysqary ornalasqan kez kelgen zulymdyq áreketterden qorǵap alyp shyǵa alatyndyǵyna shyn senedi. Olar týraly aıtylatyn áńgimelerdiń barlyǵyn stereotıpke ǵana balaıtyn kórinedi. Bul týraly «Qamshy» portaly materıal usynady.
Búgingi merekege oraı halyqaralyq jýrnalıserge arnalyp barlyq jaǵdaı jasalǵan. Resmı avtobýstan olar birden soltústik koreılik úkimettiń aldynan túsedi eken. Komýnızmniń qurylǵanyna 70 jyl tolýyna oraı ótetin merekelik is-shara búgin dál osy jerden bastaý alatyn bolady.
Memlekettiń áskerı qyzmetshileri sherýge daıyndyq ústinde. Sherýge balaqaılar da qatysatyn bolady. Kóbisiniń jasy besten endi ǵana asqan. Olar, aldyńǵy qatarda dabylshylardan qalyspaı, birge adymdap júretin bolady. Al, joldyń jıekteri qyzyl túske boıalyp, patrıottyq belgilermen órnektelgen eken. Munyń sáıkesinshe durys ári kórnekti shyǵýy ondaǵan tazalyq toptary men jumys brıgadalary eńbeginiń arqasy eken.
Memlekettiń negizin qalaǵan Kım Ir Sen men onyń uly Kım Chen Irdiń sýretteri beınelengen belgi taǵynǵan sheneýnikterdiń ezýlerinen kúlki keter emes. Munysy arqyly olar elde áleýmettik jumys jumaǵy bar ekenin, partıa men búgingi merekelik sherýdiń basynda «keremet memlekettik qaıratker, ıdeologıa sheberi, odan qalsa danyshpan adam» turǵandyǵyn maqtana kórsetkisi keletinin dáleldep tur eken.
Áýejaıdan merekelik oqıǵa ótetin Phenánǵa deıingi bir saǵattyq jol boıynda «kemeńger basshynyń» ákesi men atasynyń sýretteri kóptep ilingen. Esesine birde-bir óziniń sýreti joq. Bul onyń tegine degen taǵzymy eken-mys.
Jýrnalıserdi Phenánǵa jetkizgen «Air Koryo» áýe kompanıasynda taratylǵan jýrnaldardyń ózinde «Bul keremet basshysy bar, bostandyq pen baqytqa toly ómir ıeleri – káris halqynyń 70 jyldyq jeńisi» degen joldar bar.
Ushý barysynda 20-shy ǵasyrdyń patrıottyq ánderi men beınebaıandar qoıyldy. Kóbisi rok janrynda. Bir qyzyǵy, siz patrıottyq taqyryptaǵy kez kelgen rok-toptar men ánshilerdiń áýenin tyńdaı alasyz. Biraq, ońtústik-koreılik án tyńdaý birden GÝLAG-qa joldama alýmen teń.
Áýejaıda osydan birneshe apta buryn táttiler, shampan, túrli kostúmder satatyn kafe-barlar men dúkender ashyldy.
Al, BUU-nyń málimeti boıynsha Soltústik Koreıa halqy álemdegi eń ash halyqtardyń biri sanalady.
Qysqasy, komýnızmniń 70 jyldyǵy emes, keıip pen shyndyqtyń arpalysy...
Derekkóz: nbcnews.com
Nazgúl Nazar
