Azamattyq ister jónindegi apelásıalyq sot alqasy Bolat Nazarbaevtyń apelásıalyq shaǵymy boıynsha azamattyq isti qarady, dep habarlady Almaty oblysynyń soty. Azamattyq ister jónindegi apelásıalyq sot alqasy alǵashqy sot sheshimin ózgerissiz qaldyrdy.
"Sot aýyl sharýashylyǵy maqsatyndaǵy jerlerdi bólý kezinde oblystyq organnyń jáne jer resýrstaryn basqarý jónindegi ortalyq ýákiletti organdardyń kelisimi bolmaǵanyn anyqtady. Azamattyq ister jónindegi apelásıalyq alqa birinshi satydaǵy sottyń sheshimin onyń zańdylyǵy men negizdiligine baılanysty ózgertýsiz qaldyrdy", - deıdi oblystyq sot.
Qarasaı aýdanynyń prokýratýrasy birinshi satydaǵy sotqa Bolat Nazarbaevtyń jer ýchaskelerin satyp alý-satý sharttaryn jaramsyz dep taný týraly jáne jer ýchaskelerine menshik quqyǵyn memlekettik tirkeýdi joıý týraly talap aryzben júgingen bolatyn. Qarasaı aýdandyq soty prokýratýranyń talabyn qanaǵattandyrdy. Alaıda Bolat Nazarbaev sot sheshimimen kelispeı, apelásıalyq shaǵym jazdy.
Eske sala keteıik, Qarasaı aýdanynda ornalasqan aýmaǵy 37 gektar bolatyn jer telimineBolat Nazarbaev ıelik etetin. Ol jerde qazirgi kúni "Barys" avtokólik bazary ornalasqan.
