Aqmola oblysynyń bilim berý býhgalterleri asa iri mólsherde aqsha urlady degen kúdikke ilindi, dep habarlaıdy Bas prokýratýra.
Bulandy balabaqshasynyń býhgalteri kásipkerlermen oıdan shyǵarylǵan mámileler jasap, týystarynyń shottaryna aqsha aýdarǵan. Al aýdarymdardyń shynaıylyǵyn kórsetý úshin taýarlardy jetkizýge kelisim-sharttar jasalǵan kásiporyndardyń ataýlaryn kórsetken. Biraq banktik shottar jaqyn týystaryna ashylǵan. Osylaısha, balabaqsha esepshisi 47 mıllıon teńgeni jymqyrdy.
Al Stepnogorsk qalasy mektepteriniń birinde býhgalter óz shotyna 36 mıllıon teńgeni jalaqy retinde aýdarǵan.
Qazirgi kezde osy faktiler boıynsha Qylmystyq kodekstiń 189-baby, 2-tarmaǵynyń 4-bóligi (asa iri mólsherde urlaý) boıynsha sotqa deıingi tergeý sharalary bastaldy. Bulbapta belgili bir laýazymdardy atqarýǵa nemese belgili bir qyzmetpen aınalysýǵa tyıym sala otyryp, 12 jylǵa deıin bas bostandyǵynan aıyrý jazasy qarastyrylǵan.
Pikir qaldyrý