Mysyrda taraǵan belgisiz aýrýdyń sebebinen Qazaqstandaǵy áýe reısterinde baqylaý kúsheıtildi. Bul týraly Densaýlyq saqtaý mınıstrligi habarlady. 

Mınıstrliktiń málimetinshe, aýrýdyń belgisi denge bezgegine uqsas bolyp keledi. Joǵary temperatýra, bas aınalý, qusý – aýrýdyń alǵashqy belgileri. Sol sebepti qazir áýejaıdaǵy jolaýshylardyń dene qyzýy tekserilip, ushaq salondarynda dezınfeksıa júrgizilýde. 

Aıta ketsek, qazir bezgek aýrýyna shaldyqqan 2 qazaqstandyq tirkeldi. Olardyń biri elordalyq bolsa, endi biri pavlodarlyq. Olar ınfeksıany Taılandta juqtyrǵan. Sondaı-aq mamandardyń aıtýynsha, aýrýdy masa taratady. Sol sebepti shetelde júrgen kezde jabyq kıim kıýdi jáne jándikterge qarsy quraldardy qoldanýdy usynady. 

"Eger sanıtarıalyq-epıdemıologıalyq qyzmet mamandary temperatýrasy joǵary adamdardy anyqtasa, olardy áýejaılardaǵy medısınalyq pýnktterde dereý tekseredi. Eger denge bezgeginiń belgileri rastalsa, naýqastar qalalyq juqpaly aýrýlar aýrýhanasyna jiberiledi", deıdi sanıtarlyq-epıdemıologıalyq baqylaý departamentiniń bólim basshysy Dará Ázimbaeva.