Prezıdent Qurandy órteý aksıalaryna qatysty pikir bildirdi. dep habarlaıdy Aqorda.
"Prezıdent Qasym-Jomart Toqaev Soltústik Eýropanyń birqatar memleketinde bolǵan Qurandy órteý aktilerin qazirgi álemdegi jaǵdaıdy shıelenistirýge, halyqtar men memleketter arasyndaǵy senimge nuqsan keltirýge baǵyttalǵan arandatýshylyq áreket dep sanaıdy. Qazaqstan – Álemdik jáne dástúrli dinder kóshbasshylarynyń sıezerin ótkizýge bastamashy bolǵan memleket. Bul forým dástúrli dinder men konfesıalardyń kórnekti ókilderi arasyndaǵy tıimdi ári tabysty dıalog alańyna aınaldy", - delingen habarlamada.
Prezıdenttiń pikirinshe, jıilep ketken dinı vandalızm men atalǵan elder azamattarynyń jaýapsyz áreketi memleketter men dinderdiń beıbit qatar ómir súrýine keri áserin tıgizedi. Bul jalpyǵa ortaq normalarǵa qaıshy keletin aksıalar retinde biraýyzdan aıyptalýǵa tıis. BUU Bas Assambleıasy da bul máselege qatysty óz ustanymyn bildirýi kerek.
