Shymkentte joǵalǵan 18 jastaǵy boıjetkenniń denesi ózi turyp jatqan úıdiń jertólesinen tabyldy. Ony óltirdi degen kúdikke stýdent qyzdyń týǵan jezdesi ilinip otyr, dep habarlaıdy "KTK" arnasy.

"QR QK 99-baby, «kisi óltirý» babymen tirkelip, barlyq saraptama taǵaıyndaldy. Tergeý júrgizilip jatyr. Kúdikti ızolátorǵa qamaldy" , - deıdi Shymkent PD tergeý basqarmasy bastyǵynyń mindetin atqarýshy Batyrbek Myrzageldıev.

Túrkistannan Shymkentke kelip oqyp jatqan Aıda Ábildá týǵan ápkesiniń úıinde turypty. 4 tamyzda úıinen shyǵyp qaıta oralmaǵan soń, ertesine izdeý jarıalanǵan. Úsh kúnnen keıin týystary onyń máıitin ózi turyp jatqan úıdiń jertólesinen tapqan. Polısıanyń málimetinshe, denesinde zorlyq belgileri bar múrdeni tósek jaımasyna orap tastaǵan. 18 jastaǵy baldyzyn azaptap óltirdi degen kúdikke ilingen 20 jastaǵy jezdesi týraly kórshileri jaqsy pikirde.

"Men Azamatty bala kúninen bilemin. Ol adam óltirmek túgili, mysyqqa zıany joq adam. Byltyr ǵana úılengen, Tórtbes aılyq balasy bar, únemi jumysta bolatyn. Onyń omyrtqasy aýyratyn, ıaǵnı aýyr kótermeıtin. Ol qalaısha adam óltiredi? Al baldyzy byltyrdan beri úıinde júrdi. Bir urysqanyn estimegenbiz. Biz Azamattyń azǵyndyqqa bardy degenine senbeımiz" , - deıdi kúdiktiniń kórshisi Natalá Iapaeva.