Túrkıa Respýblıkasynyń Ádilet mınıstrligi Qazaqstan Respýblıkasy Bas prokýratýrasynyń 2014 jyldan bastap halyqaralyq izdeýde júrgen azamat «K» ustap berý týraly suraý salýyn qanaǵattandyrdy. Atalǵan azamat qurylys kompanıalarynyń jalpy somasy shamamen 1 mlrd. teńgege aqsha qarajatyn jymqyrdy dep kúdiktelýde. Bul qarajat áleýmettik maqsattaǵy obektilerdi salýǵa arnalǵan. Olardyń arasynda aýrýhana boldy.

     «Qazirgi ýaqytta ol Astana qalasynyń tergeý ızolátoryna qamaldy. Joǵaryda atalǵan qylmys jasaǵany úshin onyń múlki tárkilenip, 5 jyldan 10 jylǵa deıin bas bostandyǵynan aıyrý jazasy taǵaıyndalýy múmkin. Bul nátıjege bizdiń memleketter arasyndaǵy qylmystyq-quqyqtyq saladaǵy yntymaqtastyqtyń joǵary deńgeıiniń, sondaı-aq Bas prokýratýranyń Túrkıanyń quzyretti organdarymen maqsatty jumysynyń arqasynda qol jetkizildi. Túrik eli tarapynan qylmys úshin jazanyń bultartpasytyǵyn qamtamasyz etý jónindegi Qazaqstannyń kúsh-jigerin tolyq qoldaǵanyn atap ótken jón», – dep habarlaıdy vedomstva ókilderi.