Zańnamada petısıa uǵymy qosa berilgen. Endi petısıalardy jiberý jáne ony qaraý ákimshilik rásimdik-prosestik kodekske saı júrgiziledi. Memlekettik organdar qaraý úshin oǵan qol qoıǵandardyń shekti máni belgilengen. Máselen, 50 myńnan astam halqy bar eldi mekennen jiberilgen petısıada 2,5 myń daýys jınalsa aýdan ákimdigi qaraıdy. Oblystaǵy ákimdikter quzyretine jatatyn máselege qatysty petısıaǵa aýmaq turǵyndarynyń 1 paıyzy, al máslıhattyń quzyretindegi túıtkil bolsa halyqtyń 2 paıyz daýysy jınalý kerek. Úkimettik deńgeıdegi máseleni qaraý úshin petısıaǵa keminde 50 myń turǵyn qol qoıýy tıis. Qazaqstandyqtar petısıany arnaıy ınternet portal arqyly bere alady.

Máýlen Áshimbaev, QR Parlamenti Senatynyń tóraǵasy:

– Mundaı jańa normalar aldaǵy ýaqytta qoǵamnyń qajettilikterin barynsha eskerýge múmkindik berýi tıis. Osylaısha halyqtyń kókeıindegi  máselelerdi memlekettik organdarǵa turaqty túrde jetkizýdiń zańdastyrylǵan qosymsha tetikteri qalyptasady. Bul óz kezeginde azamattarymyzdyń memleketik basqarý ınstıtýttaryna degen senimin arttyryp, elimizdiń damýyna oń yqpal etedi dep senemin.