Mass-medıaǵa qatysty zań jobosy májiliste keńirek talqylanyp, Mádenıet jáne aqparat vıse-mınıstri Qanat Ysqaqov «Mass-medıa» týraly zań jobasy arqyly jýrnalıs mártebesin kóterý týraly aıtty.

Vıse-mınıstr jýrnalıs mártebesin arttyrý úshin eń birinshi Mass-medıa týraly zań jobasy aýqymdy qujat ekenin aıta otyryp, jýrnalıs mártebesin arttyrý qajettigi týraly tilge tıek etti.

• Mass-medıa jóninde qazirgi zań jobasyna talap merziminiń ótýi syndy túsinik qosamyz. Bul jýrnalıserdiń mártebesin arttyratyn tujyrymdamalyq norma. Talap merziminiń ótýi mass-medıa týraly salalyq zańda bolady. Talap merziminiń ótýi degenimiz ne? Qazirgi ýaqytta tulǵanyń ar-namysyna nuqsan keltiretin qandaı da bir aqparat anyqtalǵan jaǵdaıda ol kez kelgen ýaqytqa sotqa bere alady. Qazirgi ýaqytta biz bul merzimdi 3 jylǵa deıin qysqartamyz. Úsh jylǵa deıin usynamyz. Muny Parlament qabyrǵasynda da talqylaımyz. Ókiletti organdarmen de jumys isteımiz. Mınıstrlik ustanymy – taǵy da shaǵyn merzimge qysqartýǵa bolady. Bir jyldy qarastyryp otyrmyz, oǵan qarsy emespiz. Eger tulǵa atalǵan merziminiń ishinde, al qazirgi jaǵdaıda 3 jylda ar-namysyn qorlaý boıynsha buqaralyq aqparat quralyna talap bermese, onda ol bul quqyǵynan aıyrylady. Eger úsh jyl ótip ketse, onda ýaqyt ótti dep eseptelinip, onyń narazylyǵy negizsiz sanalady ári qabyldanbaıdy», - dedi vıse-mınıstr.

Sonymen qatar ol eń aldymen bul – halyqaralyq tájirıbege baılanysty ekenin, ekinshiden, bul – halyqaralyq quqyq qorǵaý uıymdarynyń talaby jáne mınıstrliktiń ustanymy ekenin aıtady.