Ulttyq bank «reseılik valútanyń taza satylymy tamyz aıynda 12,9 mıllıard teńgeni quraǵan. Ári rúblge suranys 2022 jyldyń maýsymynan beri artqan kórinedi. Ótken aıda rúbldiń belsendi satylymy Astanada 4,9 mıllard teńgeni qurap, satý kólemi bir aıǵa 2 eseden ósken.

Oǵan deıin shilde aıynda taza satý kólemi shamamen 6 mıllıard teńgeni qurap, 16 esege jýyq ósken. Iaǵnı, rúblge suranystyń tamyzdaǵy ortasha resmı baǵamy – 4,75 teńge bolsa, shilde aıynda 4,94 teńge bolady.

Rúblge suranystyń saldarynan dollarǵa suranys bir aıda tómendegen. Máselen, shilde aıyndaǵy dollardyń taza satylymy 194,1 mıllıard teńge bolsa, tamyz aıynda 149,6 mıllıard teńge bolady. Al elimizdegi qalalar boıynsha eń joǵary kórsetkishterdi Shymkent qalasy 39,3 mıllıard teńgemen, Almaty qalasy 31,3 mıllard teńgeni kórsetedi.

Dollarmen birge eýroǵa suranys ta edáýir túsken. Iaǵnı, resmı málimetter boıynsha, shilde aıynda 16,2 mıllıard teńge bolsa, tamyz aıynda 14,8 mıllıard teńgege deıin tómendegen. Al Almatynyń ózinde 8,6 mıllıard teńge bolady.