Endi 6 jyl shydasaq, qazaq bıliginen Toqaev ta ketedi.

Osylaı dep, kádimgideı úmittenip júrgen qazaqtar bar eken áli...

Prezıdent "týra qalaı aıtsa, dál solaı bolady", degenge senetinder bar.

Nazarbaev ne dep edi?

"2000 jyly merzimim aıaqtalady, Konstıtýsıaǵa sáıkes odan ary prezıdent bola almaımyn" degen.

Nazarbaev ne demedi? "Arab Ámirlikterinen baı turatyn bolamyz" degen.

Al, qaıda?

Toqaev ta jeti jyldan keıin kete qalmas.

Bılik degen – bireýge bere salatyn dúnıe emes.

Sovet zamanynda óńsheń qart-qurtańdar otyrdy emes pe, óle-ólgenshe, alyp eldi bılep-tóstep, mıllıondaǵan halyqtyń taǵdyryn sheship.

Olarǵa eshqandaı da reforma kerek emes, olarǵa keregi – tek bılik qana.

Eshbir halyqtar men elderge dıktatorlar eshqashan esh jaqsylyq ákelmegen. Bul degen aksıoma.

Qazaqstan táýelsizdiginiń 32 jyly da osyǵan kýá.

Bılikte dıktator otyr degeniń, halyqtyń sorlaǵany, bul soǵys pen ajal. Dıktatormen kórkeıgen, ońǵan el bolmaǵan. Gıtler, Mýsolını, Stalın men Pýtın osynyń dáleli.

Kez-kelgen el men halyqtyń baǵy ashylyp ketýi úshin erkin qoǵam men ádil saılaý kerek.

Qazaqty búgingi bıligimen birge aldaǵy ýaqytta óte aýyr, qıyn-qystaý zaman ǵana kútip tur.

Endeshe, Oıan qazaq, oılan qazaq!

Qambar Júsipov