Árbir ata-ananyń óz balasynyń bolashaǵyna baılanysty eń úlken armandarynyń biri – balasyn joǵarǵy oqý ornyna túsirý.

Mektep bitirgen balany stýdent atandyrý úshin bar kúsh-jigerin salatyn ata-ana biraq óz balasynyń mamandyq tańdaýdaǵy qalaýyna qulaq sala ma?

Óz qalamaıtyn mamandyqqa túsip, ýnıversıtet tabaldyryǵyn attaǵan bolashaq maman ıesi ata-anasy tańdap bergen salada oqı alady dep oılaısyz ba?

Iá, ózi oqyǵan mamandyǵynyń jemisin kórip otyrǵan adamdar qanshama. Biraq sonymen qatar, neshe jylyn sarp etip, oqyǵan mamandyǵy boıynsha jumys istegisi kelmeıtin, kelse de, óz salasynda oryn tabylmaı, qara jumystyń quly bolyp júrgender de az emes.

Ata-ananyń da, balanyń da eskerýi kerek jáıt, árbir jas azamat tańdaıtyn mamandyǵynyń qundylyǵyn bilýi tıis. Mamandyq tańdaýdyń ózi bolashaǵymyzǵa ınvestısıa.

Anelı Abaıqyzy