2024 jyly kezekti prezıdenttik merzimge barýdan basqa amaly joq Pýtınniń bul jolǵy saılaý naýqany da shızofrenıalyq urandar men ıdeıalardan quralmaq.

Reseılik baspasózdiń habarlaýynsha, Vladımır Pýtın qarasha aıynda ótetin "Rossıa" deıtin kórme-forýmda óziniń prezıdenttik saılaýǵa taǵy túsetinin jarıalamaq.

Álgi kórmeni uıymdastyrýǵa 2 mlrd rúbl jumsalǵan desedi.

Pýtınniń bul saılaýaldy naýqanynda Ýkraınamen aradaǵy soǵys negizgi taqyryp bolmaıdy. Kremldiń saıası tehnologtary "soǵys" pen "Ýkraına" degen sózden barynsha aýlaq bolýǵa tyrysady.

Onyń ornyna Pýtın men onyń propagandısteri Reseıdiń dástúrli otbasylyq qundylyqtardy joǵary qoıatyn memleket ekenin, sol úshin "buzylǵan Batys bizdi kóre almaı tisin áli qaırap júr", degendi tyqpalamaq.

Sóıte tura, Vladımır Pýtınniń ózi otbasy degendi esh qundylyq sanamaıdy, ol – áıelimen ajyrasqan, nekesiz týǵan balalary bar, qazirgi semásy týraly aqparat qupıada saqtalady.

Anyǵy sol, Pýtın televızordan "eldiń bolashaǵy", "Reseıdiń qundylyqtary" týraly "qulaqtan teýip" jatqanda qara sýyqta okoptarda búrisip jatqan orys áskeri burynǵydaı qyryla bermek...