Munaı kompanıasynyń 100% aksıasynyń jalpy quny 35,4 mlrd teńgege baǵalanǵan. "Aksıonerler jalpy quny 35 417 122 000 teńgeni quraıtyn qoǵamnyń 13 749 100 jaı aksıasyn (100%) memleket menshigine erikti túrde jáne óteýsiz ótkizý týraly sheshim qabyldady", – delingen KASE Qazaqstan qor bırjasynyń saıtynda.

Eske salsaq, tergeý sheńberinde jalpy quny 90 mıllıard teńgeden asatyn aktıvterdi, onyń ishinde: munaı ken ornyn, gaz taratý kompanıasyn, servıs salasyndaǵy kásiporyndy, qonaq úı jáne saýda-oıyn-saýyq keshenderin, fıtnes ortalyqtar jelisin, keńse úı-jaılaryn jáne basqa da aktıvterdi memleket menshigine erikti túrde qaıtarý jóninde sharalar qabyldanǵan.

 Vedomostvonyń málimdeýinshe, «buǵan deıin Qaırat Boranbaev tabıǵı gaz ımporty kezinde qarajatty jymqyrýy boıynsha tergeý aıasynda 14,5 mıllıard teńge kóleminde materıaldyq shyǵyndy ótegen. Agenttik zańsyz aktıvterdi izdeý jáne qaıtarý boıynsha jumysty jaslǵastyrylyp jatyr» dep jazylǵan habarlamada.

 Áıgili  Forbes basylymy Boranbaevty Qazaqstandaǵy eń yqpaldy bes kásipkerdiń qataryna jatqyzǵan edi. Basylymda onyń Qazaqstandaǵy «Esentaı moll», «Rahat Palas», «Almaly», t.b saýda ortalyqtaryna tolyq jáne jartylaı ıelik etkendigi, shetelde de jyljymaıtyn múlikteri bar ekeni jazylǵan.