«Qaraǵandy kólik prokýratýrasy aqyly avtomobıl joldarymen júrý negizderi týraly shartta avtokólik júrgizýshileriniń quqyqtaryna qaıshy keletin talapty anyqtady» dep jazady Qamshy.kz.

Aqparat boıynsha, jedel jol qyzmetterin tutynýshylar kólik quralynyń memlekettik tirkeý nómirlik belgisin aýystyrǵan jaǵdaıda paıdalanylmaǵan tólemderdi qaıtara alatyn tarmaq bolmaǵan.

"Qazirgi tańda sharttarǵa tıisti túzetýler engizilip, aqparat berý maqsatynda "Qazavtojol" AQ-tyń resmı saıttarynda ornalastyryldy (www.qaj.kz, www.1403.kz). Sonymen qatar prokýratýranyń taldaýy Qaraǵandy oblysy boıynsha 69 myń avtokólik júrgizýshisine 38 mln teńgeden astam somaǵa avanstyq tólemder qaıtarylmaǵanyn kórsetti. Prokýratýranyń aralasýynan keıin ǵana tutynýshylardyń múliktik quqyqtaryn qalpyna keltirý jumystary bastaldy", – delingen habarlamada.

Odan bólek, ulttyq operatordyń múddelerin qorǵaý óte álsiz júrgizilgeni anyqtaldy. Sebebi, osy qyzmetterdi 138 myń tutynýshynyń 3 jyl ishinde jalpy somasy 50 mln teńgege bereshegi jınaqtalǵany belgili boldy.

"Kóbinese mundaı adamdarǵa qatysty materıaldar aqyly avtomobıl joldarymen júrgeni úshin ýaqtyly tólenbeý belgileri boıynsha olardy ákimshilik jaýapkershilikke tartý maqsatynda kóliktik baqylaý ınspeksıasyna joldanbaǵan. Prokýratýranyń aktisi boıynsha "Qazavtojol"AQ fılıalynyń basshylary jol aqysyn tólemegen avtokólik júrgizýshilerine qatysty ákimshilik yqpal etý sharalarynan alshaqtatqany úshin tártiptik jaýaptylyqqa tartyldy", – dep habarlaıdy Bas kólik prokýratýrasy.