Prokýrorlar «Baıqońyr» áleýmettik kásiptik korporasıasy» ÁKK qyzmetine tekserý júrgizdi. Nátıjesinde, «Agro Holdıń «Baıqońyr» JSHS (ÁKK-niń enshiles uıymy) «Mega Agro» JSHS-dan (budan ári – Jetkizýshi) 2400 tonna kúrish astyǵyn 120 mln teńgege satyp alý týraly 02.03.2018j. kelisim-shart jasaǵany anyqtaldy. Qarajat tolyq kólemde aýdarylǵan.

Shart talaptaryna sáıkes taýar 30.09.2018j. deıin jetkizilýi tıis.

"Óz kezeginde Jetkizýshi óz mindetterin tolyq oryndamaı, 101 mln teńge memleket qarajatyn bas paıdasyna shyǵyndaǵan. Odan bólek sol merzimde kórsetilgen 2 seriktestiktiń basshysy M.Espanov bolǵan. Osylaısha M.Espanov memlekettik fýnksıalardy oryndaýǵa ýákilettik berilgen adam bola tura, ózine tıesili «Mega Agro» JSHS arqyly búdjet qarjysyn jymqyrý maqsatynda affılırlengen shart jasaǵan. Bul fakt boıynsha oblys prokýratýrasy 19.08.2022j. QK-niń 189-baby 4-bóliginiń 2-tarmaǵymen qylmystyq is tirkedi", delingen oblys prokýratýrasynyń resmı habarlamasynda. 

Tergeý barysynda M.Espanovqa qatysty «kúzetpen ustaý» túrindegi bultartpaý sharasy tańdaldy, onyń áreketi QK-niń 361-baby 4-bóliginiń 3-tarmaǵynmen qaıta saralanyp, ol kinásin tolyq kólemde moıyndady jáne qylmystyq is sotqa joldandy.

Jalaǵash aýdany sotynyń 03.10.2023j. úkimimen M.Espanovqa 3 jyl 6 aı merzimge bas bostandyǵyn shekteý túrindegi jazasy taǵaıyndaldy (úkim zańdy kúshine endi).

Memleketke keltirilgen 101 mln teńge kólemindegi zalal tolyq kólemde óndirildi.