"Qazatomónerkásip" ulttyq atom kompanıasy" AQ China National Uranium Corporation Limited – CNUC kompanıasymen qazaqstandyq tabıǵı ýran konsentratyn jetkizý jónindegi kelisimshartqa qol qoıdy.

Kompanıanyń habarlaýynsha, bul kelisimshart Qytaıdyń taza, kómirteksiz elektr energıasyna degen óskeleń qajettiligin qamtamasyz etýge jáne eki el arasyndaǵy atom salasyndaǵy tarıhı uzaq merzimdi qatynastardy nyǵaıtýǵa yqpal etetin bolady.

"Qazatomónerkásiptiń naryqqa baǵdarlanǵan strategıasy barlyq múddeli taraptar úshin uzaq merzimdi qun qurý maqsatynda tabıǵı ýran konsentrattaryn óndirýge, óńdeýge jáne satýǵa baǵyttalǵan. CNUC sıaqty iri qytaılyq energetıkalyq kompanıalardyń birimen tyǵyz yntymaqtastyq ornatý Qazatomónerkásiptiń álemdik ıadrolyq otyn naryǵynda senimdi jáne tańdaýly jetkizýshi retindegi ornyqty bedelin bildiredi", - dep tolyqtyrdy "Qazatomónerkásip" UAK" AQ strategıa jáne marketıń jónindegi basqarýshy dırektory Seıitjan Jánibekov.

CNUC kompanıasymen uzaq merzimdi kelisimshartqa 2023 jylǵy mamyrdaǵy aksıonerlerdiń jyldyq jalpy jınalysynda buryn maquldanǵan mámile sheńberinde Shanhaı qalasynda ótken China International Import Expo 2023 kórmesinde qol qoıyldy.

Kelisimsharttyń kólemi men komersıalyq sharttary qupıa ári komersıalyq turǵydan sezimtal bolǵandyqtan kópshilikke jarıa etilmeıdi.