Elimizdiń 9 óńirindegi 14 joǵarǵy oqý ornynyń stýdenti sóz dodasyna túsip, sóıleý sheberligin kórsetti. Alǵash ret sýyryp salma sheshendik qabiletin áıgilep, oı ushqyrlyǵy men sóz tapqyshtyǵyn synnan ótkizgen sheshendik baıqaýdyń bas demeýshisi - ata-babalarymyzlyń asyl murasyn ardaqtaýshy “Atamura” korporasıasynyń prezıdenti, ult janashyry, qoǵam qaıratkeri
Raqymǵalı Abraruly. Ekinshi márte qatarynan qarjylyq qoldaý jasaǵan aǵamyz osy jolǵy baıqaýǵa 2 mıllıon teńge bólip, ataly sózdi ardaqtaýdyń eń ozyq úlgisin kórsetti. Sondaı-aq, 14 qatysýshyǵa “Atamura” baspasynan jaryq kórgen qalamgerlerdiń 28 kitabyn syıǵa tartty. Osylaısha barlyq qatysýshy atymtaı aǵamyzdyń shyn qoldaýyn sezinip alǵys aıtty. Mártebeńiz asqaqtaı bersin, ardaqty aǵa!

Baıqaý qorytyndysy mynadaı:

Bas júlde ıegeri(500 000₸) - Naýrzhan Shyńǵys Erboluly, S. Demırel ýnıversıtetiniń 1-kýrs stýdenti.
1-oryn ıegeri(300 000₸) - Altynbekova Dınara, Ó.Jánibekov atyndaǵy Ońtústik Qazaqstan pedagogıkalyq ýnıversıtetiniń 1-kýrs stýdenti.
2-oryn ıegerleri(150 000₸) - Orynqoja Talǵat, QBTÝ-dyń Avtomattandyrý jáne basqarý fakúltetiniń 1-kýrs stýdenti.
Qalıhanova Nuraı, M.Qozybaev atyndaǵy Soltústik Qazaqstan ýnıversıtetiniń 3-kýrs stýdenti.
3-oryn ıegerleri(70 000₸) - Baıymbetova Aıkórkem,
Q.Jubanov atyndaǵy Aqtóbe óńirlik ýnıversıtetiniń 1-kýrs stýdenti. Nurmuhanov Bekjan, M.Ospanov atyndaǵy Batys Qashaqstan medısına ýnıversıtetiniń 4-kýrs stýdenti.
Tasmuratova Dana, Abaı atyndaǵy QazUPÝ-dyń 1-kýrs stýdenti.
Sondaı-aq, 7 qatysýshyǵa 20 000 teńgeden arnaıy júlde berildi.
Baıqaýǵa demeýshilik jasaǵan ult janashyry Raqymǵalı Abrarulyna, tórin usynyp úıymdastyrǵan Abaı atyndaǵy QazUPÝ-dyń ba shylyǵyna, “Ulttyq tárbıe” ortalyǵyna jáne aqparattyq qoldaý jasaǵan BAQ ókilderine raqmet aıtyp tabys tileımiz!