Taıaý shyǵystyń tózimi taýsylǵanǵa uqsaıdy. Birshama ýaqyt buryn AQSH-qa kórsetken ózindik pozısıasy retinde Iran memleketi jerasty zymyrandar kesheni haqynda beınerolıkti ǵalamtor jelisine jarıalaǵan bolatyn.

            Iran memleketi qarýly kúshteriniń sapyna kiretin, ıslam revolúsıasynyń qorǵanys korpýsy óte sırek kezdesetin vıdeony arnaıy salǵan. Maqsaty AQSH-qa úreı týdyrý. Bul týraly «Qamshy» portaly «Rıa.Ýkraınaǵa» silteme jasap habarlaıdy.

            Qurama Shtattyń degenine sensek beınorolıkte Irannyń jerasty zymyran keshenderiniń biri ǵana salynǵan. Parsylyqtardyń qolynda «Kadr» jáne «Shahab» degen zymyrandar bar. «Kadr» zymyrany eskirgen. Ol asa qaýipti emes. Al, «Shahab» zymyrany bólek áńgime. Onyń alty túri tirkelgen. Bul týraly The Iran Project mamandary habarlap otyr. «Shahab 6» Eýropanyń barlyq jerine jáne AQSH-tyń shyǵys jaǵalaýlaryna deıin jetýi múmkin.     

            Búginde bul jerasty zymyran kesheni Tegeran qalasyndaǵy taýly aımaqtyń astynda ornalasqany belgili bolyp otyr.