Qazan aıynyń onynda Almatyda qoǵam belsendileri Serjan Mámbetalın men Ermek Narymbaev áleýmettik jeliler arqyly el ishinde ultaralyq arazdyqtyń týyndaýyna túrtki bolarlyqtaı aqparatty taratty degen kúdikpen qamaýǵa alynyp, ýaqytsha ustaý ızolátoryna jabylǵan bolatyn. Olarǵa azamattardyń ulttyq ar-namysy men qadir-qasıetin qorlaý belgileri bar málimetterdi taratty degen maǵynada aıyp taǵylyp otyr.

Osy iske baılanysty qazannyń 12-inde QR Qylmystyq Kodeksiniń 174-shi baby, 1-shi bólimi boıynsha sotqa deıingi tergeý amaldary bastaldy. Al búgin, ıakı qazannyń 15-i kúni Almaty qalasy Almaly aýdandyq sotynda jınalǵan materıaldar negizinde osy azamattarǵa qarsy kúzetpen ustaý túrindegi bultartpaý sharasy engizildi.

«Qazirgi ýaqytta Mámbetalın men Narymbaevqa qatysty bultartpaý sharasyn odan ári jalǵastyrý máselesi sheshimin tapty. Osyǵan baılanysty osy isti tergeý amaldary aldaǵy eki aı boıy úzdiksiz júrgizilmek. Al eki aıdan keıin tergeýshi óziniń prosesýaldy sheshimin qabyldaıtyn bolady», - dedi sot prosesine qatysqan Almaly aýdandyq prokýrorynyń aǵa kómekshisi Dáýren Aýypbaev.

Eske salamyz, Prokýrorlyq sanksıanyń pármenimen atalǵan tulǵalardyń úıinde tintý júrgizilip, zattyq aıǵaqtar tabylǵan bolatyn.

Tergeý amaldary jalǵasyp jatyr.