China Southern Airlines áýekompanıasy 2024 jylǵy 23 qańtardan bastap aptasyna 3 reıs jıiligimen Almaty – Beıjiń baǵyty boıynsha reıster ashýdy josparlap otyr. Bul týraly Azamattyq avıasıa komıteti tóraǵasynyń mindetin atqarýshy Tımýr Tlegenov habarlady.
Sonymen qatar suranys artqan kezde China Southern Airlines áýekompanıasy Almaty qalasynan Úrimshi jáne Sıan qalalaryna, sondaı-aq Astana qalasynan Úrimshi qalasyna 2024 jyldyń kóktemgi-jazǵy maýsymynan bastap qoldanystaǵy baǵyttar boıynsha reıster sanyn ulǵaıtý múmkindigin qarastyrýǵa daıyn.
Loong Airlines áýekompanıasy bıyl jeltoqsan aıynda Almaty – Hanchjoý baǵyty boıynsha oryndalatyn reıster sanyn aptasyna 3 reısten 4 reıske deıin arttyrýdy josparlap otyr.
Kelesi jyly jolaýshylar aǵyny artqan jaǵdaıda áýe kompanıasy reıster sanyn aptasyna 7-ge deıin arttyrýdy kózdep otyr. Sondaı-aq áýekompanıa 2024 jyly Astana – Hanchjoý, Astana – Chendý jáne Almaty-CHendý áýe baǵyttary boıynsha reısterdi ashý máselesin pysyqtap jatyr. Air China áýekompanıasy da Astana – Sıan – Pekın baǵyty boıynsha oryndalatyn reıster sanyn aptasyna 2-den 3-ke deıin ulǵaıtý máselesin qarastyryp jatqanyn habarlady.
Bul rette áýekompanıa Sıan qalasyna qonbaı, eki astana arasynda aptasyna úshinshi reısti tikeleı oryndaý máselesin de qarastyratyn bolady. Jalpy 2024 jylǵy kóktem-jaz navıgasıa kezeńinde eki el arasyndaǵy reıster sany qoldanystaǵy jáne jańa áýe baǵyttary boıynsha aptasyna 30 reıske deıin artady dep kútilýde.
Pikir qaldyrý