Reseı áýe-ǵarysh kúshteriniń Sırıadaǵy áskerı operasıasy merzimdik shekteýlerge ıe. Bul týraly Reseı Prezıdenti Astanada ótip jatqan TMD memleketteri basshylarynyń otyrysynda málimdedi. Bul týraly «Qamshy» portaly habarlaıdy. «Bizdiń áýe kúshterdiń Sırıadaǵy operasıasy belgili bir shekteýlerge ıe. Avıasıa tek lańkester men solardyń qol astyndaǵy nysandarǵa shabýyl jasaýda. Áýe operasıalary ýaqyt jaǵynan da shekteýli. Biz áýe shabýyldaryn sırıalyq áriptesterimiz jerdegi shabýyldaý operasıalaryn aıaqtaǵansha jalǵastyramyz», - dep atap ótti Reseı basshysy.  

Esterińizge salsaq, 30 qyrkúıek kúni Reseı áýe-ǵarysh kúshteri Sırıa aýmaǵyndaǵy lańkester nysandaryna baǵyttalǵan áýe soqqylaryn bastaǵany belgili. Muny Reseı bıligi Sırıanyń zańdy basshysy Bashar Asadtyń ókimet áskerine qarsy soǵysyp jatqan sodyrlarǵa soqqy berýdi suraǵan ótinishimen túsindirdi.