Almaty qalasy ákiminiń orynbasarlary bolyp Arman Qyryqbaev pen Ásel Júnisova taǵaıyndaldy,- dep habarlaıdy «Qamshy.kz» qala ákimdiginiń baspasóz-qyzmetine silteme jasaı otyryp. 

Bul qyzmetti buǵan deıin atqarǵan Záýresh Amanjolova men Murat Qudyshevtiń basqa jumysqa aýysqanyna baılanysty laýazymdarynan bosatylǵan bolatyn.

Jańa qyzmetke taǵaıyndalǵan A. Qyryqbaev qala ákimdiginde ishki saıasat, mádenıet, densaýlyq saqtaý men bilim berý salasyn úılestirse, Ásel Júnisova ekonomıka, búdjettik josparlaý men qarjy salasyna jetekshilik jasamaq.

Esterińizge salsaq, A. Qyryqbaev 2014 jylǵy aqpannan 2015 jylǵy tamyzǵa deıin «Nur Otan» partıasy tóraǵasy birinshi orynbasarynyń keńesshisi qyzmetin atqarsa, Ásel Júnisova ótken jyldyń aqpany men 2015 jylǵy qańtar aralyǵynda «Nur Otan» partıasy Ortalyq apparatyn basqarǵan.