Jer silkinisiniń epısentri Almaty qalasynan ońtústik-shyǵysqa qaraı 264 km jerde ornalasqan Qazaqstan men Qyrǵyzstan shekarasy.

Jer silkinisiniń energetıkalyq klasy 15.1.

MPV magnıtýdasy 6.7.

Epısentrdiń koordınattary 41.32° s. e. 78.61° s.b.

Tereńdigi 65 km.

Sezgishtigi týraly málimetter (MSK -64 shkalasy boıynsha): Almaty 5 bal, Shymkent 2 bal.

Ózara is-qımyl algorıtmine sáıkes tıisti memlekettik organdar habardar etildi, buzýshylyqtardyń bolýyna, tirshilikti qamtamasyz etý obektileriniń jumys isteýine monıtorıń júrgizilýde.
Polısıa departamentiniń jedel kezekshisine qalanyń ǵımarattary men qurylystaryn qıraý men zaqymdaný turǵysynan kózben sholyp qaraý týraly aqparat jınaý úshin aqparat jetkizildi

Almatylyqtar úıin tastap ketýge asyqty. Úsh adam turǵyn úıdiń ekinshi jáne úshinshi qabatynan sekirgende jaralanǵan.  Eki adam ambýlatorlyq em alýǵa jiberildi. Úshinshi naýqastyń jaǵdaıy aýyr, qazir ol aýrýhanada jatyr.

Qaladan shyǵatyn joldarda kólik keptelisi, janarmaı quıý beketterinde uzyn sonar kezek paıda bolǵan. Taǵy jer asty dúmpýleri bolady dep qoryqqan turǵyndar qaladan ketýge asyqty.