Qýanysh Turakeldıevtiń «Kinopark» jelisindegi kasırshi qyzdy sabaǵanyn ǵalamtordy paıdalanatyn oqyrman umytpaǵan shyǵar. Beıresmı aqparattarǵa súıensek, myrza balaǵa qyzmet kórsetý túri unamaǵan.

            Bul oqıǵa beınebaıanǵa jazylyp, ǵalamtor jelisindegi eń kóp talqylanǵan jańalyqqa aınaldy.

            Atalǵan oqıǵa boıynsha qylmystyq is ashylǵan bolatyn. Biraq eki jaq óz-ara kelisimge kelýine baılanysty ol is toqtatyldy.

            İstiń sotqa deıin jetpeýi úshin Qýanysh Turakeldıev kasırshi qyz Merýert Kerimberdıevadan birneshe márte keshirim suraǵan. Bul týraly «Qamshy» portal tengrinews-ke silteme jasaı otyryp habarlaıdy.

            Qýanysh Turakeldıevtiń qorǵaýshysy Asqar Úsenbaev aıyptalýshynyń óz áreketine  qatty qynjylatynyn jetkizdi. Ol Merýertten birneshe márte keshirim suraǵan. Aqyr sońynda olar ekeý-ara kelisimge kelgen.  Qýanysh bul áreketiniń ekinshi márte qaıtalanbaıtynyna sóz berdi.

            Sotqa aryz jazǵan kınoteatr da óz aryzyn keri qaıtaryp alǵan. Mekeme qorǵaýshysynyń málimdeýinshe Qýanysh ózi keltirgen zalaldardyń barlyq shyǵynyn ótep bergen.