«Asadty qoldaımyz» degen urany bar sholaq jeıdeler (fýtbolka) «Reseı armıasynyń» resmı dúkenderinde satylyp jatyr. Munyń astarynda ne jatqany belgisiz. Belgilisi- bul jergilikti halyqtyń kóńiline jaqqan sıaqty.  Bul týraly «Qamshy» portaly habarlaıdy.

            Sırıa basshysynyń sýreti bar sholaq jeıdeler satylymǵa shyqqan kúni túgeldeı satylyp ketken. Baǵasy 1400 rúbl, ıaǵnı 6300 teńge turady.

            Jalpy Reseıde  Qyrym oqıǵasynan beri patroıttyq sán úlgileri jıi satylatyn bolǵan. Onyń ishinde el prezıdenti V.Pýtın jáne Pýtınniń mańyndaǵy saıasatkerlerdiń sýreti bar kıim úlgileri. Bulardyń qatarynda Belorýssıanyń «Batásy da» júr. Endigi kezek sarapshylar qaı saıasatkerdiń sýreti kıim úlgisinde shyǵýy múmkin degen saýalǵa jaýap izdeýde.