Memleket basshysy Nursultan Nazarbaevtyń Jarlyǵymen Qazaqstan Respýblıkasynyń Qytaı Halyq Respýblıkasyndaǵy Tótenshe jáne Ókiletti Elshisi Shahrat Shákızatuly Nuryshev Qazaqstan Respýblıkasynyń Koreı Halyq-Demokratıalyq Respýblıkasyndaǵy Tótenshe jáne Ókiletti Elshisi qyzmetin qosa atqarýshy qyzmetine taǵaıyndaldy. Bul týraly «Qamshy» portaly «QazAqparatqa» silteme jasaı otyryp habarlaıdy.

Memleket basshysy Nursultan Nazarbaevtyń Ókimimen Qazaqstan Respýblıkasy Prezıdentiniń Ákimshiligi Basshysynyń orynbasary Talǵat Sovetbekuly Donaqovqa Qazaqstan Respýblıkasy Joǵary Sot Keńesi Tóraǵasynyń mindetin ýaqytsha atqarý júkteldi.

Memleket basshysy Nursultan Nazarbaevtyń Ókimimen Almaz Djenıshevıch Djýmakeev Qazaqstan Respýblıkasy Qarýly Kúshteri Aeroutqyr áskerleriniń qolbasshysy qyzmetine taǵaıyndaldy.

Memleket basshysynyń kelesi Ókimimen Ókimimen Dáýlet Rysqulbekuly Ospanov «Batys» óńirlik qolbasshylyǵy áskerleriniń qolbasshysy qyzmetine taǵaıyndaldy.

Salıdat Qaıyrbekova «Ulttyq medısınalyq holdıń» AQ Basqarma tóraıymy bolyp taǵaıyndaldy. Ol buǵan deıin QR Densaýlyq saqtaý jáne áleýmettik damý birinshi vıse-mınıstri qyzmetin atqarǵan edi.