2020 jyldyń qarashasynda Baqyt Ibragım, Jomart Ertaev jáne bankter men komersıalyq qurylymdardyń burynǵy qyzmetkerleri Bank RBK-dan 144 mıllıard teńge urlaǵany úshin kináli dep tanyldy. Ibragım bastapqyda 8 jylǵa bas bostandyǵynan aıyryldy, biraq apelásıalyq shaǵym boıynsha bul merzim 7 jylǵa deıin qysqardy.

Baqyt Ibragım 2018 jyly Germanıada ustalyp, ol jerden Qazaqstanǵa ekstradısıalanǵan. Qylmystyq-atqarý júıesi komıtetiniń málimetinshe, ol jazasyn tolyq ótegen, óıtkeni onyń tergeý ızolátorynda bolǵan ýaqyty esepke alynǵan.

Baqyt Ibragım – Baqytjan Saǵyntaevtyń úlken qyzy Merýert Ábdirdiń burynǵy kúıeýi. 

Bank RBK isi boıynsha Jomart Ertaev bastapqyda 11 jylǵa bas bostandyǵynan aıyrylsa, keıin bul merzim 9 jylǵa deıin qysqartyldy. 2021 jyly Ertaev úsh bankte urlyq jáne alaıaqtyq jasaǵany úshin dál osyndaı merzimge sottalǵan. Ol bul iske kásipker Nurlan Tileýbaevpen birge qatysqan.

Ertaev 2018 jyly mamyrda Máskeýde ustalyp, keıin Qazaqstanǵa ekstradısıalanǵan. Túzetý mekemesiniń málimetinshe, ol Almaty qalasy, Almaty oblysy jáne Jetisý oblysy boıynsha qylmystyq túzeý mekemesiniń №72 mekemesinde jazasyn óteýde.