Mine, osy ózgeris qoldanysqa engizilgeli el azamattarynda kóp suraqtar týyndaýda. Ásirese, elimizdiń iri qalalarynda kóligimen kisi tasyp, nápaqa taýyp júrgender alańdaýly. Sol sebepti Qamshy.kz taksı júrgizýshileri men onlaın aqsha aýdarymyna qatysty barlyq derekti anyqtap, usynýdy jón kórip otyr.
Almatyda taksı júrgizýshisimin. Únemi mobıldi tólemdi paıdalanamyn, klıentterge solaı yńǵaıly. Sonda menen shamamen aıyna qansha aqsha salyq retinde ustalýy múmkin?
Memlekettik tabys komıteti bul arada onlaın aqsha aýdarymy jáne onlaın tólem degen eki túsinik bar ekenin eske salady. Zań boıynsha, taksı júrgizýshisi onlaın aqsha aýdarymyn qabyldaýǵa quqy joq. Klıent onlaın tólem jasaýy tıis. Sondyqtan, zań aıasynda áreket etkisi keletin taksı júrgizýshileri, aldymen jeke kásipker retinde tirkelýi shart. Ol úshin eshqaıda barýdyń qajeti joq. E-Salyq Business, Egov Mobile, sol sekildi ekinshi deńgeıli bankterdiń, mysaly Halyq bank, Kaspi bank, BankCenterCredit-tiń mobıldi qosymshylaryna kirip, tirkelýge bolady.
Odan keıin onlaın aqsha aýdarymyn qabyldaıtyn kásipkerlik bank shotyn ashý qajet bolady. Bul arada baqylaý-kassalyq apparat nemese POS-termınal degenniń qajeti joq. Aqsha jeke tulǵaǵa emes, jeke kásipkerdiń shotyna banktiń QR nemese POS termınaly arqyly túsýi kerek.
Usaq bıznes ońtaılandyrylǵan salyq rejımine jatady. Sondyqtan bul arada salyq kólemi 1-den bastap 4 paıyzdy quraıdy. Mysaly, taksı júrgizýshisi aıyna 300-400 myń teńge tabys tapty delik. Onda odan 1% salyq alynady, ıaǵnı 3000 nemese 4000 teńge kóleminde.
Al eger jeke kásipker retinde tirkelmeseńiz ári úsh aıda shotyńyzǵa qatarynan 100-den astam aqsha aýdarymy jasalsa, onda salyq kólemi 10 % bolyp shyǵa keledi. Onyń ústine bul zańbuzýshylyq ekeni dáleldense, barlyq jasyryn tabystyń 30 paıyzyn aıyppul retinde memleketke tóleýge týra keledi.
Bul arada taǵy mynandaı jaǵdaı bar: úsh aıda qatarynan bir shotqa túsken aqsha aýdarymy 100-den assa bank avtomatty túrde salyq organyna habar beredi. Demek, barlyq adamnyń aqsha aýdarymy baqylaýǵa jatpaıdy. Bul – birinshiden. Ekinshiden, máselen birinshi aıda 100 ret aqsha aýdarymy, ekinshi aıda 95 ret aqsha aýdarymy, úshinshi aıda 93 ret aqsha aýdarymy jasalsa, onda bul málimet salyq organyna baryp túspeıdi.
