Energetıka mınıstrligi "Baǵasy memlekettik retteýge jatatyn  stasıonarlyq janar-jaǵarmaı quıý beketterindegi munaı ónimderin ótkizýde bólshek saýdadaǵy shekti baǵalardy belgileý týraly" buıryqqa tıisti túzetýler engizetin normatıvtik jobany ázirledi. 

Atalǵan jobaǵa sáıkes, dızel otynynyń (jazǵy, maýsymaralyq) barlyǵyna (qazaqstandyqtar úshin de, shetel azamattary úshin de) 1 lıtri 295 teńge bolýy tıis.

Qujatty ázirlegen mamandar búgingi tańda elimizde janar-jaǵarmaı shyǵaratyn zaýyttar men munaı bazalarynda dızel otynyn taratpaı, tejeý ustap faktisi kezdesetinin aıtady. Sebebi óndirýshige taýaryn qymbatqa ótkizý áldeqaıda tıimdi. Al óz kezeginde bul jaıt tapshylyqty qoldan týdyrýǵa yqpal etýde. Sondyqtan el azamattary sheteldik júrgizýshiler úshin belgilengen baǵamen dızel otynyn qymbatqa satyp alýǵa májbúr.

Aıta ketsek, búginderi sheteldik kólik ıeleri úshin jazǵy dızel otynynyń quny 450 teńge, al qazaqstandyqtar úshin 295 teńge.

Joba 2024 jylǵy 28 aqpanǵa deıin qoǵamdyq talqy úshin "Ashyq NQA" saıtyna ornalastyryldy.