Májiliste ótken dóńgelek ústel barysynda sý resýrstary jáne ırrıgasıa mınıstri Nurjan Nurjigitov ózine-ózi qyzmet kórsetetin kólik jýý ornynda bir kólikti jýýǵa jumsalatyn sý ortasha eseppen 200-250 lıtr bolatynyn aıtty.

      - Eger júk kólikteri men avtobýstar týraly aıtatyn bolsaq, shyǵyn 500-700 lıtrge deıin artady, bul jyl saıyn shamamen 100 mıllıon tekshe metr sý bolady. Monsha keshenderiniń sý tutynýy jylyna shamamen 120 mıllıon tekshe metr bolady, - dedi mınıstr.

    Sheneýniktiń aıtýynsha, byltyr Qazaqstandaǵy kólikter sany orta eseppen 18,3 paıyzǵa artqan. Mınıstr jergilikti tazartý qurylystaryna, atap aıtqanda, kólik jýý oryndaryna arnalǵan tehnologıalardy paıdalaný ortalyqtandyrylǵan kózderden taza sýdy turaqty qospaı jáne tutynbaı, sýdy qaıtalama jáne turaqty aınalymǵa qosýǵa múmkindik beretinin atap ótti.