Mınıstr sońǵy jyldary Qazaqstanda gıdrotehnıkalyq qurylystarǵa tıisti kóńil bólinbeı kele jatqanyn, sonyń saldarynan dambylardyń jarylýy, sý bógetteriniń buzylýy eldimekenderge qaýip tóndirýi múmkin ekenin aıtty. Ol jóndeý jumystary jylda júrgiziletinin, alaıda bul rette tek respýblıkalyq nysandar nazarǵa alynatynyn, al komýnaldyq nysandar kóptegen jyl boıy eleýsiz qalyp kele jatqanyn jetkizdi. 

"304 gıdrotehnıkalyq qurylymnyń adam ómirine tikeleı qaýpi bar. Onyń 216 nemese 71 paıyzynda jergilikti habarlaý júıesi ornatylmaǵan. Olar jarylsa, 2010 jylǵy Almaty oblysynda jáne 2014 jylǵy Qaraǵandy oblysyndaǵydaı adam shyǵyndaryna ákelip soǵýy ábden yqtımal", deıdi mınıstr.

Sý resýrstary jáne ırrıgasıa mınıstrliginiń málimetinshe, Qazaqstanda 1500-den astam gıdrotehnıkalyq nysan bar, onyń jartysyna jýyǵy jóndeýdi qajet etedi.