"QR Úkimetiniń qaýlysymen Mereke Qudaıbergenuly Pishembaev bergen ótinishine sáıkes QR tótenshe jaǵdaılar vıse-mınıstri qyzmetinen bosatyldy", delingen Úkimettiń baspasóz qyzmeti taratqan habarlamada. 

Mereke Pishembaev 1962 jyly Pavlodar oblysynda dúnıege kelgen. Óskemen jol-qurylys ınstıtýtyn, Qazaq memlekettik basqarý akademıasy janyndaǵy Naryq ınstıtýtyn, RF Prezıdenti janyndaǵy Reseı memlekettik qyzmet akademıasyn bitirgen.

Eńbek jolyn 1985 jyly Pavlodar oblystyq avtomobıl joldary basqarmasynyń Maı aýdandyq avtomobıl jolynda aǵa jol sheberi, bas ınjener bolyp bastaǵan.

1986-1996 jyldary aralyǵynda kvazımemlekettik sektorda túrli laýazymdardy atqarǵan.

1997-2000 jyldary aralyǵynda QR Kólik jáne komýnıkasıalar mınıstrliginde basshylyq laýazymdarynda eńbek etken. 

2000-2002 jyldary — Soltústik Qazaqstan memlekettik avtomobıl joldary mekemesinde dırektor, basqarma basshysy.

2002-2013 jyldary — QR Kólik jáne komýnıkasıalar mınıstrliginiń Avtomobıl joldary jáne ınfraqurylymdyq keshen qurylysy komıtetiniń «Qazaqavtojol» respýblıkalyq memlekettik kásipornynyń bas dırektory. 

2013-2014 jyldary — QR kólik jáne komýnıkasıalar vıse-mınıstri. 

2014-2019 jyldary — QR Investısıalar jáne damý mınıstrliginiń Avtomobıl joldary komıtetiniń tóraǵasy. 

2019-2020 jyldary —  QR Indýstrıa jáne ınfraqurylymdyq damý mınıstrliginiń jaýapty hatshysy. 

2020 jyldan bastap qazirgi ýaqytqa deıin QR tótenshe jaǵdaılar vıse-mınıstri qyzmetin atqardy.