Bul týraly Sıfrlyq damý mınıstri Baǵdat Mýsın aıtty.

"Almatyǵa jabdyqty qabyldaý barysyn arnaıy tekserý úshin keldim. Kelesi aptada Túrkistan jáne Aqmola oblystaryndaǵy Starlink ornatýǵa tolyq daıyn mektepterge jabdyqtardy jetkizý bastalady. Atalǵan oblystardyń ákimdikteri barlyq daıyndyq jumysyn jaqsy júrgizdi. Qalǵan óńirlerge 10 kúnnen keıin keletin kelesi kezekte jetkiziledi. Barlyǵy 20 kún ishinde 2000 jınaq keledi, olar eldegi 2000 shalǵaıdaǵy aýyl mektebin joǵary jyldamdyqty ınternetpen qamtamasyz etedi", dedi mınıstr.

Sondaı-aq Mýsın bul Memleket basshysynyń sheshiminiń arqasynda júzege asyp jatqanyn naqtylaı ketti. 

Aıta ketsek, Qasym-Jomart Toqaev 2023 jyly 12 qarasha Digital Bridge forýmy aıasynda SpaceX kompanıasynyń Starlink máseleleri jónindegi vıse-prezıdenti Loren Dreıermen kezdesip, sheteldik tarap óz ónimin Qazaqstanǵa jetkizýge nıetti ekenin, bul aýyldardaǵy sapasyz ınternet máselesin joıýǵa bolatyn múmkindik ekenin jetkizgen edi.

Starlink - sapasyz, qymbat nemese múlde qoljetimsiz jerlerdi joǵary jyldamdyqtaǵy ınternetpen qamtamasyz etýdi maqsat etetin SpaceX kompanıasy orbıtaǵa shyǵarǵan ǵalamdyq spýtnıktik júıesi. Qazirgi ýaqytta ǵaryshta SpaceX-tiń 5000-nan astam toptastyrylǵan Starlink jerserikteri bar.