Taıaý ýaqytta Qazaqstanda AES qurylysy boıynsha ulttyq referendým ótedi. Ony Ortalyq saılaý komısıasy uıymdastyryp, ótkizedi.

Energetıka mınıstrligi bul tirlikti «bóten eldiń Qazaqstanǵa AES salyp berýi» dep emes, «Qazaqstanda atom ındýstrıasyn damytý» dep qarastyrady.

Ótken jumada "Qazaqstan óz jerinde úsh AES salǵyza ma?" degen saýalǵa jaýap bergen Sátqalıevtiń sózinshe, másele bir nemese birneshe AES-tiń qurylysymen ǵana tynbaıdy.

Bul – AES qurylysy týraly sheshim qabyldanǵan jaǵdaıǵa arnalǵan jospar bolsa kerek, árıne.

Eske salsaq, sońǵy ret 2023 jyldyń 4 jeltoqsanynda Reseıdiń «Rosatom» memlekettik korporasıasy Qazaqstanda jalpy qýaty 2400 MVt -qa deıingi 3+ býyndy ıadrolyq reaktorlary bar eki atom elektr stansıasyn salýdy usynǵan bolatyn.