Memlekettik qyzmet isteri agenttiginiń tóraǵasy Darhan Jazyqbaı "Qazaqstan Respýblıkasynyń keıbir zańnamalyq aktilerine olardy Qazaqstan Respýblıkasy Konstıtýsıasynyń normalaryna sáıkes keltirý máseleleri boıynsha ózgerister men tolyqtyrýlar engizý týraly" zań jobasyn birinshi oqylymda tanystyrdy.

    - Zań jobasy memlekettik qyzmet týraly zańnyń birneshe babyna túzetý engizýdi qamtıdy. Merzimsiz tyıym salýdyń ornyna memlekettik qyzmetke kir keltiretin tártiptik teris qylyq jasaǵany úshin jumystan shyǵarylǵan azamatty memlekettik qyzmetke qabyldaýdy shekteýdiń 2 jyldyq merzimi belgilenedi, - dedi ol.

   Iaǵnı, zań jobasynde memlekettik qyzmetke kirý kezindegi shekteýlerdi salaaralyq saralaý kózdelgen. Shekteýler boıynsha normalardyń redaksıasy ózgergendikten 59 jáne 61-baptarǵa túzetýler men zańnyń 16-babynyń erejelerine tıisti siltemeler jasaldy. Sondaı-aq kelisimsharttaǵy qyzmetkerler boıynsha da normalar 16-bapqa sáıkestendirilgen.