Qazaqstannyń Qorǵanys vıse-mınıstri Reseı áskerıleriniń Qazaqstandaǵy "Sary-SHaǵan" polıgonynda qandaı zymyrandardy synaqtan ótkizip jatqanyn aıta almady.

Qorǵanys mınıstriniń orynbasary Shaıh-Hasan Jazyqbaev Qaraǵandy jáne Jambyl oblysynyń jerindegi áskerı polıgonda 200 shyqyrymǵa deıin usha alatyn zymyrandar synaq maqsatynda atylyp jatqanyn aıtty. "Bul polıgonda eshqandaı eldimeken, ınfraqurylym joq" dedi ol.

Biraq Reseıdiń Qazaqstan jerinde qandaı zymyrandardy atyp jatqanyn general-maıor aıtpaı qoıdy: "bul suraq QR Syrtqy ister mınıstrliginiń quzyrynda" dep qutyldy.

"Ol qarý Ýkraınadaǵy soǵysta qoldanyla ma?" degen suraqqa vıse-mınıstr "joq" dep qoıady.

Sonymen qatar, onyń sózinshe, Qazaqstanda qazir Reseıdiń 900 áskerı qyzmetkeri bar.