Ol Astanada "Qazaq radıolary" ótkizetin "Myń alǵys" sharasyna qatyspaqshy.

"Qazaq radıosynyń "Barmysyń, baýyrym?" habary arqyly anasyn izdegen Jánibektiń arqasynda 2001-2002 jyldary Arqalyqta dúnıege kelgen 4 balanyń týǵan anasy anyqtaldy. Bir ul Kanadada, eki ul Belgıada jáne taǵy bir ul Qazaqstanda turyp jatyr", delingen súıinshi habarlamada.

Jánibektiń anasyna qatysty zertteý jumystary áli jalǵastyǵyn tabýda.

Aıta ketsek, aldynda ol Qazaqstanǵa kelip, birneshe teleradıobaǵdarlamaǵa da qatysyp, anasyn tappaı ketken. 21 jastaǵy Eddı Janǵa dúnıege kelgende Jánibek degen esim berilgen eken. Sondyqtan barsha Qazaqstan halqy ony qazaqsha esimimen qabyldap, oǵan tilekshi bolýda. Alaıda qazir Eddı Jan ózin Murat dep ataıdy. «Barmysyń, baýyrym?» habarynyń júrgizýshisi Qymbat Dosjan oǵan anasyn tabýǵa kómektesip júr.