BQO Báıterek aýdanynyń №2 sotynda Qazaqstan Respýblıkasy ÁQBtK-niń 496-babynyń 2-bóligimen («Qazaqstan Respýblıkasynyń azamattyǵy týraly zańnamasyn buzý») ákimshilik is qaraldy.

"2024 jyldyń aqpan aıynda Qazaqstan Respýblıkasynan Reseı Federasıasyna memlekettik shekarany kesip ótý kezinde shekara qyzmetkerleri azamat G.-nyń qos azamattyǵyn anyqtady. Ol 2023 jyly Armenıa Respýblıkasy azamattyǵyn alǵan jáne zańnamada belgilengen merzimde shetel azamattyǵyn alý faktisi týraly habarlamaǵan" delingen habarlamada.

Sotta er adam óz kinásin moıyndap, Qazaqstan Respýblıkasy azamattyǵynan aıyrylý qajettiligi týraly bilmegenin túsindirdi. Aıyppuldy tóleı almaǵandyqtan, aıyppul salmaýdy ótindi.

«QR ÁQBtK-niń 496-babynyń 2-bóligine sáıkes, Qazaqstan Respýblıkasy zańnamasynda belgilengen merzimde shetel azamattyǵyn alý faktisi týraly habarlamaý – Qazaqstan Respýblıkasynyń Ákimshilik quqyq buzýshylyq týraly kodeksiniń 496-babynyń 2-bóligine sáıkes, Qazaqstan Respýblıkasynyń zańnamasynda belgilengen merzimde habarlaýsyz 200 AEK, nemese Qazaqstan Respýblıkasynan ákimshilik shyǵaryp jiberý kózdelgen.  Sot qaýlysymen Armenıa Respýblıkasynyń azamaty Qazaqstan Respýblıkasy ÁQBtK-niń 496-babynyń 2-bóligimen kináli dep tanylyp, Qazaqstan Respýblıkasy sheginen shyǵaryldy» dep habarlady Batys Qazaqstan oblystyq soty.