Týrızm jáne sport mınıstrligi Sport jáne dene shynyqtyrý komıtetiniń Sportty damytý dıreksıasy bıyl Parıjde ótetin jazǵy Olımpıadaǵa arnalǵan Qazaqstan ulttyq quramasynyń kıim formasy men oǵan qosymsha kerek-jaraq jabdyqtardyń dızaın tujyrymdamasyn ázirleýge arnalǵan ashyq konkýrs jarıalanǵanyn habarlady.

    Kıimder saltanatty rásimge jáne jattyǵýǵa arnalǵan juptan turady. Konkýrs kezinde kelip túsken jumystardy arnaıy komısıa quramy qarap, ortaq sheshim qabyldaıdy. Jumys tobynyń qataryna Týrızm jáne sport mınıstrligi Sport jáne dene shynyqtyrý komıteti, Ulttyq Olımpıada komıteti, Qazaqstan sportshylary odaǵynyń ókilderi, dańqty sportshylarymyz ben BAQ qyzmetkerleri kiredi. Bul qatarda Eldos Smetov, Serik Sápıev, Azamat Dáýletbekov, Jámılá Baqbergenova, Olga Rypakova, Ábıba Abýjaqynova, Anna Alábeva, Nurbek Oralbaı, Nursultan Tursynovty atap ótýge bolady. Komısıa tóraǵasy – Sportty damytý dıreksıasynyń dırektory Erlan Estek, – delingen habarlamada.

   Konkýrs eki kezeńge sozylady. Ereje sharttaryna sáıkes, árbir kezeńniń jeńimpazy komısıa otyrysynda anyqtalady.

    Birinshi kezeńde, ıaǵnı 28 aqpandaǵy saǵat 20:00-den bastap 10 naýryzdaǵy saǵat 18:30-ǵa deıin komısıa konkýrsqa qatysýshylardyń ótinishterin, materıaldaryn qabyldap, qaraıdy.  

    Ekinshi kezeńde konkýrs jeńimpazdary anyqtalyp, jarıalanady. Ekinshi kezeń 13-15 naýryz aralyǵynda bolady.