Senat otyrysynda depýtat Gennadıı Shıpovskıh úkimet basshysy Oljas Bektenovke saýal joldap, esirki tutynýdyń jańa úrdisinen saqtaı almaı otyrmyz dep dabyl qaqty. 

-  Sıntetıkalyq esirtki halqymyzdyń densaýlyǵyna, ulttyq tegimiz, ekonomıkamyzǵa, quqyqtyq tártip pen memlekettik qaýipsizdigimizge óte qaýipti ekenin sózsiz. Balalar men jasóspirimder eń osal orta bolǵandyqtan qaskóıler jastardyń mıyn ýlap, sıntetıkalyq esirtkini qoljetimdi baǵada etip, ınternet messendjerlerinde esh kedergisiz satyp jatyr. Bul keshe-búgin paıda bolǵan másele emes. Osy kúnge deıin parlament minberinde, onyń ishinde senatorlar birneshe ret naqty másele kótergen. Sonymen qatar BAQ pen qoǵamdyq uıymdar tarapy da osy máseleni úzdiksiz kóterip keledi. Odan bólek memleket basshysy 2022 jylǵy joldaýynda sıntetıkalyq esirtkimen kúresti memlekettik saıasattyń basym baǵyttarynyń biri retinde atap, bul baǵytta jumysty kúsheıtýdi árdaıym talap etip keledi, – dep atap ótti ol. 

Senat depýtaty osy saladaǵy resmı statısıkaǵa toqtalyp ótti. 

“Qazaqstan Respýblıkasy bas prokýratýrasynyń aqparatyna sáıkes, 2021-2023 jyldar aralyǵynda sıntetıkalyq esirtki zattaryn taratqany úshin 1021 azamatqa qylmystyq is qozǵaldy, onyń 246-y – 2021 jyly, 314-i – 2022 jyly, 461-i 2023 jyly jaýapqa tartyldy. Dál solaı keıingi úsh jylda sıntetıkalyq esirtkini tárkileý kólemi 100 keliden myń tonnaǵa deıin ósken. 

Sonymen qatar arnaıy jáne quqyq qorǵaý organdary 2021 jyly 17, 2022 jyly 68, al 2023 jyly 81 esirtki zerthanasynyń qyzmetin anyqtap otyr. Bul bizdiń oıymyzsha masqara statısıka”, – dep dabyl qaqty ol. 

Gennadıı Shıpovskıh osy rette birneshe usynys aıtty: 

1. Eldegi esirtki saýdasynyń órshýine baılanysty tikeleı Qazaqstan Respýblıkasynyń prezıdentine baǵynyshty esirtkige qarsy kúres júrgizetin jeke-dara mekeme qurýdy qarastyrýdy suraımyz. Osy sekildi mekemeler Reseı Federasıasy men Argentına memleketinde bar;
2. Sınetıkalyq esirtkini satýǵa qatysatyn saıttardy jarnamalaý faktileriniń jolyn kesý jónindegi jumysty kúsheıtip, jarnamalaýshylardy qatań jazalaý qajet;
3. Mektep, kolej ben joǵary oqý oryndarynda bilimgerlerge esirtki taratýdyń jáne alaıaqtar ýáde etken jeńil aqshaǵa umtylýdyń saldary týraly túsindirý sharalaryn jandandyrý qajet;
4. Jastar, ásirese stýdentter arasynda sıntetıkalyq esirtkini tasymaldaýshylardyń sanynyń ósýine baılanysty naqty is-sharalar josparyn ázirleýdi oryndy dep sanaımyz.