Jyl basynan bastap, qazaqstandyqtardyń vıza rásimdemeı-aq saıahattaý múmkindigi artty.

Endi Qazaqstan azamattary ulttyq tólqujatpen 40 elge bara alady. 

2023 jyldyń qarasha aıynan bastap vızasyz elderdiń tizimin Qytaı men Seıshel araldary tolyqtyrdy. Bul otandyq týrıser men bıznesmenderge qoljetimdi baǵyttardyń geografıasyn keńeıtti. Elimizdiń Syrtqy ister mınıstrliginiń saıtynda usynylǵan aqparatqa sáıkes, qazaqstandyq pasport álemniń 30-dan asa elinde emin-erkin júrýge múmkindik beredi. Degenmen olardyń árqaısysynyń turaqtaý ýaqytynda belgili bir shekteýler bar.

Vızasyz uzaq ýaqyt bolýǵa múmkindik bergen jetekshi elder:

· Grýzıa - bir jylǵa deıin;

· Armenıa - alty aıǵa deıin;

· Sent-Vınsent jáne Grenadınder - alty aıǵa deıin.

90 kúnge deıingi qysqa merzimdi saparlarǵa qolaıly elder kelesideı:

· Albanıa;

· Andorra;

· Ázerbaıjan;

· Gaıtı;

· Kolýmbıa;

· Moldova;

· Mońǵolıa;

· Reseı;

· Túrkıa;

· Ýkraına.

Alaıda, qazaqstandyqtar Túrkıada jarty jylda 90 kúnge deıin ǵana vızasyz bola alatynyn eskergen jón.

Otandastarymyz tómende kórsetilgen elderge bir aıǵa saıahattaı alady:

· Argentına;

· Brazılıa;

· Vetnam;

· Domınıkan Respýblıkasy;

· Qatar;

· Qytaı;

· Ońtústik Koreıa (2022 jylǵy 1 sáýirden bastap Koreıaǵa kirýge elektrondyq ruqsat berý júıesi (K-ETA) iske qosyldy;

· Kýba;

· Malaızıa (elge kirý úshin MDAC elektrondyq kóshi-qon kartasy qajet, ony elge barar aldyn 3 kún buryn toltyrýǵa bolady);

· Maldıv Respýblıkasy;

· Nıkaragýa;

· BAÁ;

· San-Marıno;

· Seıshel araldary;

· Serbıa;

· Týnıs;

· Fılıppınder;

· Ekvador.

Bul rette Barbadosta turaqtaýdyń maksımaldy uzaqtyǵy 28 kún ekenin umytpaǵan jón.

Qazaqstandyqtar 14 kúnge deıin vızasyz 4 elge bara alady:

· Gonkong;

· Iran;

· Oman;

· Taıland (jaqynda Qazaqstanmen vızasyz rejımdi jarty jylǵa uzartty).

Sonymen qatar vızany ushyp barǵanda rásimdeýge múmkindik beretin birneshe el bar. Atap aıtqanda:

· Zambıa;

· Indonezıa;

· Mavrıkıı;

· Namıbıa.

Belarýs, Qyrǵyzstan, Tájikstan jáne Ázerbaıjan tárizdi TMD elderinde 30 kún bolǵannan keıin kóshi-qon organdarynda tirkelý qajet. Al Ózbekstanda 5 kúnnen keıin tirkelý kerek.