Túnde jáne tańerteń keıbir el azamattary tosynsyıǵa tap bolǵan.

Búgin jumysyna erte jáne kesh barǵan adamdar da tabylyp jatyr. Bul jaıt elimizdiń biryńǵaı ýaqyt beldeýine kóshýmen tyǵyz baılanysta. Máselen, telefonyndaǵy saǵatyn túngi 00-00-de bir saǵat keri shegerip, jatyp qalǵan adam tańerteń jumysqa erte barǵan. Sebebi telefondaǵy ýaqytty ózgertetin avtomatty fýnksıa túnde iske qosylyp, saǵat tilin taǵy bir saǵatqa keri jyljytqan.

Sol sekildi telefonyndaǵy saǵaty avtomatty túrde ózgeredi dep bek sengen keıbireýi jumystan abaısyzda keshikken. Óıtkeni telefondaǵy ýaqytty avtomatty ózgertetin fýnsıa, áý basta, óshirilýi bolǵan. Tek osy fýnksıany qosqanda saǵat tili ózdiginen ózgeretinin keıbiri keıin bilip, aıran-asyr bolyp jatyr.

Odan bólek, biri qyzyǵy, keıbir qazaqstandyqtardyń elektrondyq qujattaryndaǵy týǵan kúni ózgerip ketken. Qazir elektrondy úkimetten sıfrlyq qujatty kórý múmkin bolmaı tur.

"Memlekettik qyzmet saǵat 12-30-da qoljetimdi bolady", degen jazý tur ol jerde. Soǵan qaraǵanda bul rette aqaýlardy anyqtap, jóndeý jumystary júrgizilip jatqan sekildi.