34 jastaǵy qyzylordalyq 2019-2022 jyldar aralyǵynda áleýmettik jeli arqyly Qnet-ti jarnamalap, qarjylyq pıramıdaǵa 59 adamdy tartqan. Saldarynan qarjylyq alaıaqtyq qurbandary 63 mıllıonnan astam teńgesinen qaǵylǵan.

"Qyzylorda oblysy boıynsha Ekonomıkalyq tergep-tekserý departamentimen 2019-2022 jyldary Qyzylorda qalasy men Qyzylorda oblysynyń aýmaǵynda Qnet qarjy pıramıdasyn qurý jáne basqarý faktisi boıynsha 11.10.1990 jyly týǵan Qazaqstan Respýblıkasynyń azamaty Jubanaev Almas Orazalyulyǵa halyqaralyq izdeý jarıalanady. Oǵan qamaýda ustaý túrinde bultartpaý sharasy taǵaıyndaldy" delingen Qarjylyq monıtorıń agenttigi taratqan habarlamada.

Agenttik málimetinshe, kúdikti zańsyz qyzmetin júzege asyrý barysynda Instagram áleýmettik jelisin paıdalaný arqyly Almaty, Shymkent jáne Qyzylorda qalalarynan adamdardy tartyp, trenıńter jáne úgit-nasıhat jumystaryn júrgizgen.

Jábirlenýshilerdiń jalpy sany – 59 adam, keltirilgen zalal somasy – 63 373 356 teńge.