Seısmıkalyq stansıalar jelisi 2024 jylǵy 4 naýryzda Almaty ýaqytymen 11 saǵat 22 mın 05 sek (2024 jylǵy 4 naýryzda Grınvıch boıynsha 06 saǵat 22 mın 06 sek) jer silkinisin tirkegen.

“Jer silkinisiniń epısentri Qazaqstan aýmaǵynda Almaty qalasynan ońtústikke qaraı 31 kılometr jerde ornalasqan. Jer silkinisiniń energetıkalyq klasy 13.2. MPV, magnıtýdasy 6.1. Epısentrdiń koordınattary 42.93° s.e. 76.96° sh.b. Tereńdigi 10 km. Seziletindigi týraly málimetter (DSM-64 shkalasy boıynsha) Almaty 5,3 bal”, – delingen TJM habarlamasynda.

Jedel aqparatqa sáıkes Almaty oblysynda jer silkinisiniń qýaty 5,3 bal, Jetisý oblysynda (Taldyqorǵan) 2 bal bolǵan. 

Qalalyq TJD basshysy Nurlan Atyǵaev jaǵdaıǵa baılanysty shuǵyl málimdeme jasady.

“Birinshi terbelis aıaqtalǵan soń ǵımarattan shyǵyp, halyqty qabyldaý pýnktine baryńyz. Tek resmı derekkózge senińiz. Sırena estilgen soń qulaqtandyrý quraldaryn qosyńyz. Jaǵdaı naqtylanǵan soń qosymsha aqparat usynylady”, – degen Atyǵaev azamattardy dúrlikpeýge shaqyrdy.