Orazalıevtiń aıtýynsha, aqpan aıynda Bórli aýdandyq ishki ister bólimine Aqsaı qalasynyń 70 jastaǵy turǵyny habarlasqan. Zeınetker alaıaqtardyń aılasyna túsip qalǵanyn aıtqan. Er adam WhatsApp messendjeri arqyly qońyraý shalyp, ózin Ulttyq bank qyzmetkerimin dep tanystyryp, aqshasyn depozıtte saqtaımyn degen jeleýmen 100 mıllıon teńge aýdarýdy suraǵan.
"Buǵan deıin ýchaskelik polıseıler jábirlenýshimen túsindirme jumystaryn júrgizgen. Soǵan qaramastan er adam alaıaqtardyń aılasyna túsip qalyp otyr. Ol aqshany óz betinshe aýdarǵan", - dedi Batys Qazaqstan oblysy İİD basshysy.
Bas polıseıdiń aıtýynsha, batysqazaqstandyq polıseıler alaıaqtardan saqtaý úshin oblystyń úsh myńnan astam turǵynynyń shotyn buǵattaǵan.
"Eger telefon arqyly shot týraly aqparat surasa, tutqany qoıyp, ózińizge qyzmet kórsetetin bankke qońyraý shalyp, menedjerlerden barlyǵyn anyqtańyz. Aıta keteri, qylmyskerler basqa elderden de telefon soǵady. Olarmen memlekettik tilde sóılesýge tyrysyńyz. Bul bizdiń keńesimiz", - dedi Arman Orazalıev.
