Saladaǵy keleńsizdikti Aqtaýdaǵy muǵalimderdiń biri jarıa etken. "Sertıfıkat alýǵa mektep basshylyǵy májbúrledi" degen ol ár qujattyń kemi 17 myń teńge turatynyn aıtqan. Zańsyz áreketterdi aıtqany úshin ózi de daýǵa qalǵan kórinedi.

"30 shaqty adam aldy. Mektep ákimshiligi alaıaqtyqpen aınalysady dep, kerisinshe menimen alysyp ketti. Sapaly bilim, ádildik qaıda? Sanaly urpaq tárbıelemeımiz be? Mektep ákimshiliginiń qatysy bar dep oılaımyn. Jumystan shyǵyp qalam dep qoryqpaımyn. Zańsyz eshteńe istemedim. Azamattyq pozısıam", – dedi ustaz Jańylsyn Barsaeva.

İstiń aq-qarasyn ajyratqan óńirdegi "Ádildik joly" qoǵamdyq birlestigi sertıfıkattardyń rasynda zańsyz jolmen alynǵanyn anyqtaǵan. Jaýapty oryn Astanadaǵy oqý-ádistemelik ortalyǵyna resmı hat joldap, tizimdegi 40-qa jýyq muǵalimniń biliktilik kýrsynan ótpegenin bildi.