Osy oraıda, Astanada zıandy qaldyqtardy joıý jónindegi mamandandyrylǵan mashınada buryn tárkilengen 4 tonna nasybaı joıyldy. Aksıany elorda ákimdigi men jergilikti polısıa departamenti birlesip uıymdastyrdy.

18 naýryzdan bastap elordada shegilmeıtin temeki ónimderin tárkileý jónindegi ýákiletti organdar birlesip, arnaıy reıdter júrgizýde. Nátıjesinde, quny 20 mln teńgeden asatyn 4 tonna nasybaı tárkilerdi.

Aksıany Astana qalasynyń ákimdigi men elordalyq polısıa departamenti jeke seriktes – «Green economy» Eýropalyq-Azıalyq qaýymdastyǵynyń ZTB «Kazecotech» JSHS-niń kómegimen uıymdastyrdy.

— Bul aksıanyń negizgi mısıasy — jastardyń mundaı zattardy tutynýyna tosqaýyl qoıý. Jaqynda Ulttyq quryltaı ótkenin bárimiz bilemiz, onyń aıasynda Memleket basshysy birqatar ózekti máseleni, sonyń ishinde shegilmeıtin temeki ónimderin, veıpterdi, sıntetıkalyq esirtkilerdiń qoǵam dertine aınalǵanyn atap ótti. Búginde bul másele ásirese jastar arasynda óte ózekti ekenin estip te, kórip te júrmiz. Sebebi bul veıppterdi negizinen 25 jasqa deıingi jasóspirimder men jastar paıdalanady. Biz úshin bul túıtkildiń túıinin tarqatý óte mańyzdy. Sondaı-aq, bul aksıaǵa turǵyndardy beı-jaı qaramaýǵa shaqyramyz, — deıdi Astana qalasy máslıhatynyń depýtaty, «Amanat» partıasynyń «Jastar Rýhy jastar qanatynyń tóraǵasy Maǵzum Arslanbek te aıtyp berdi.