Farıdýn Shamsıddınniń úıi Dýshanbeden 50 shaqyrym jerde ornalasqan Gıssara qalasynyń janyndaǵy Kıshlak Raıobıde ornalasqan. Qazir úı mórlengen.

Agenttikterdiń tilshisi Shamsıddınniń otbasynyń kórshisimen sóılesken.

Onyń aıtýynsha, keshe forma kıgen adamdar otbasy múshelerin Dýshanbege alyp ketken. Al úıdiń janyn polısıa qyzmetkeri baqylap turǵan kórinedi. 

Agenttiktiń derekkózi Dýshanbede terakt boıynsha aıyptalýshylardyń týystaryna qatysty tergeý sharalary júrgizilip jatqanyn naqtylady. Reseıge kóshkenge deıin kúdikti aıyptylardyń barlyǵy Dýshanbe mańyndaǵy Vahdat, Gıssar qalalarynda jáne Rýdakı aýdanynda turǵany anyqtaldy.

"Tergeý barysy Tájikstan Prezıdenti Emomalı Rahmonnyń baqylaýynda, ol Dýshanbede "Krokýs sıtıdegi" terakt boıynsha júrgizilip jatqan tergeý sharalary men tergeý barysyna qatysty barlyq aqparatty kún saıyn alyp otyr", – delingen habarlamada.